{ LIFESTYLE }
29 Dec 2020
張柏芝內地商演開金口 唱歌大走音被網友狠批「車禍現場」

近年罕有在幕前演出的張柏芝,日前就到廣州出席商演活動唱歌,該場商演在網上亦有進行直播,柏芝難得開金口,吸引不少粉絲收看。不過柏芝一開聲,就被批是「車禍現場」,在台上唱歌期間更一度咳嗽。






柏芝一出場其實已經與粉絲打「打預防針」,指自己未有彩排過,但自己會盡最大努力完成,其後唱出《星語星願》。但見到柏芝第一段先對嘴,之後開始真唱,但聲音十分沙啞,連高音都上不到。








完成《星語星願》後,柏芝再唱《留給最愛的說話》,表現同樣失準。雖然中途柏芝繼續向觀眾連番道歉,知道自己唱得好難聽,但依然會盡全力去完成演出,「作為一個歌手,最重要就係認真對待每一位觀眾。頭先我可以遞個咪畀你哋,但我都堅持將佢完整(唱完),希望你哋都可以感受到我哋嘅熱誠,同體諒到我失聲。」




不過網友對於柏芝呢個道歉就唔係好接受,狠批,「走音又忘詞,沒彩排不是理由,是態度」,但都有粉絲替偶像澄清,表示是因為班機延遲先趕無辦法進行彩排。



News
Feature
Blog
13 Apr 2021
Load more
 
NOTIFICATION