{ LIFESTYLE }
15 Jan 2021
Kenny關智斌碰鼻尖挑逗小儀 戀愛對象要知性異地戀更感自由

由阮小儀主持的香港開電視節目《小儀與13型男》,逢星期六晚上11時於77台香港開電視播映,節目中安排13位不同類型的型男跟小儀約會,今集邀請「男神型」關智斌(Kenny擔任小儀約會對象。二人到主題公園手拖手玩旋轉木馬、過山車等,期間他們更浪漫地嘴對嘴一起吃冬甩,當兩人鼻尖相碰時,小儀立即興奮大叫:「私底下好少有呢種感覺,原來係咁得意嘅,掂鼻哥都有一種挑逗感覺。」



在節目中,Kenny透露揀選異性朋友,首選要有潔癖,他說:「有咩類型女性會吸引到我?要教到我嘢,未必話係要邊方面叻啲,但要有共同進步的目標,喺社會唔做嘢、唔認真工作,好容易冇咗生活。」問到Kenny心目中的女神又是怎樣? 他表示要有知性美,例如孫燕姿、莫文蔚等。


小儀認為在娛樂圈中要找到另一半比較吃力,Kenny表示認同,他說:「自己圈子好難有戀愛發生,喺第二個地方可能容易啲、冇咁多包袱,老實講,做藝人係會有少少光環,當出到街啲人見到你嘅時候會『嘩,小儀呀!』,但當同一個人有關係時,呢個濾鏡某程度上阻礙咗真誠發展,所以去第二個地方,濾鏡冇咁重,嘗試異地發展吓(感情)可能好啲。」Kenny又分享自己異地戀的小小經驗:「我有冇試過?梗係有啦,點會冇呀。感覺好開心,香港比較少坐公共交通工具,喺外地時兩個人一齊坐公共交通工具,坐電車周圍去,好開心。」





現實生活中小儀亦曾跟心中「男神」約會,但感覺並不好受,她說:「有成功約會過,不過諗番轉頭好唔enjoy(享受)記得當時個心係卜卜咁跳、好開心,但諗番轉頭整個約會都唔係好自己、好作狀,原來同幻想100分嘅男仔約會,係會冇咗真正嘅自己。」

News
Feature
Blog
13 Apr 2021
Load more
 
NOTIFICATION