（mimi) 點先可以做到脾氣好既女仔？

choiseunghyun :)

我同我男朋友一齊左年幾 一路以黎佢好錫我好寵我
無論我想去邊做咩 佢都會應成我
但我就好衰成日蝦佢 發佢脾氣
明明我係唔想咁做 我想好好咁對佢
但好少事我都會好嬲 有時嬲到都唔知自己嬲咩
要佢哄好耐先無事
嬲完見到佢唔開心我就好心痛 會攬返佢
我講過好多次唔會再咁發脾氣
但我就成日做唔到
最近仲次數頻密左 點先可以脾氣無咁暴躁⋯

Babyabby

情況同你一樣 男朋友寵到我脾氣好臭 要佢成日氹

angelique

多D考慮下佢感受，舌頭雖然沒有骨頭，但製造的言語能尖鋭得令人心淌血。。對待佢好似你希望其他人點樣對你的態度

非法改裝嬰兒車

對港女黎講這是個不可能的任務XDDDD

Miyo

其實好難

sallylsy

當你知道自己既情緒開始負面，就每講一句說話都要停一停諗一諗，諗下發左脾氣男朋友會有幾唔開心，諗下件事係咪真係佢錯⋯

kyww

同意樓上 男朋友太寵你 你將好多野變成理所當然 結果又變左一個港女化身。不過好彩你都仲有幾分良心 未踩得好深，要改返好脾氣啲要慢慢黎 每次想發脾氣之前真係要停一停諗一諗 記住唔好覺得男朋友氹你係天經地義 你有情緒佢都有 佢冇必要要受你咁多氣。

哈哈兒

當你無理發脾氣時，諗一諗如果你係佢，你會點？
大方少少，覺得唔滿意時試下好好表達，總比發脾氣來得有效！

laucc

一個願打一個願捱！改不了！只能怪佢愛你多過你愛佢。

V2

練下啲修為吧 連自己脾氣都管吾倒 氣量窄 心空窄 又執著  

Lydsay.A

冇錯。。。停一停，諗一諗。。。我有時都會好易嬲。。

非法改裝嬰兒車

Lydsay.A 發表於 2015-10-18 04:17
冇錯。。。停一停，諗一諗。。。我有時都會好易嬲。。

「諗一諗」呢個動作......
因為佢地個腦係做唔到呢個動作架

做到的話,大家邊有花生食??

ccsakura

性格好難話改就改，難得有個肯就你既男朋友就得

lalalalalalalala1

我都係最近脾氣好差 今朝仲同男朋友分左手五分鐘 hahahahah

iamjayjay

又分，因住佢有一日頂你唔順，佢同你講分手，你喊都冇謂

missbaby

搵一個正確嘅途徑發洩哂你嘅情緒，例如做下運動打下波，試下

dada feed

我男朋友是脾氣大的 但我剛好是沒脾氣 有時候我也會生氣會想發脾氣 但我沒有當下就發脾氣 因為這時候講的話一定會難聽會傷人 有時候生氣時說少一句話 感情會更好  如果想想你每次都被發脾氣 你也會想走 你是個成熟的人可以控制自己的情緒

思樂冰♡

首先要學習控制好自己嘅情緒 唔好諗住每次發脾氣都一定會有男朋友氹就故態復萌
始終長期落去對方都會有覺得攰同厭煩嘅一日
多啲企喺對方立場諗 唔好無理取鬧 事事以自己做出發點
試下好好表達自己嘅感受喇

sammmmminggg

其實我同你一樣有咁嘅情況
不過我依家要學習平心靜氣去溝通
因為咁樣落去 辛苦左自己亦辛苦左佢

kay5201437

根本你就唔夠愛佢，如果愛一個人，會怕失去，你就會珍惜，你唔珍惜係因為你理所當然覺得佢唔會離開你
EQ低唔代表IQ低，希望你重新再睇自己個post, 就知自己幾橫蠻無理，乜嘢叫做次次叫自己唔好發脾氣都做唔到啫？你會唔會周街發路人脾氣？我估唔會，因為你怕俾人打！咁你會唔會指住你阿媽鬧？我希望你唔會，我就唔會囉，我怕我阿媽傷心無面！咁你又會唔會有乜唔滿意就對朋友發晦氣？我都希望你唔會。如果以上嘅都唔會，咁點解偏要個男朋友受你氣？只係因為佢比較愛你，比較有風度，比較錫你，就要換來你嘅臭脾氣？你自己諗下合唔合理啦！你係人，大人，唔係小朋友，你識揀人發脾氣，就唔識收斂下自己脾氣？藉口！
對唔住，如以上有乜得眾，我道歉，但我真係見到樓主個post好嬲！